Posted by
Sareen
Labels:
arhaan,
personal
ਸਾਡੇ ਸੌਂਣ ਤੋਂ ਪਹਿਲਾਂ, ਤੇ ਤੇਰੇ ਸੌਂਣ ਤੋਂ ਬਾਅਦ,
ਖ਼ੁਸ਼ ਹੁੰਦੇ ਹਾਂ ਕਰਕੇ, ਗੱਲਾਂ ਤੇਰੀਆਂ ਸਾਰੀਆਂ ਯਾਦ |
ਉਹ ਸ਼ਰਾਰਤਾਂ ਜੋ ਤੂੰ ਪੂਰੇ ਦਿਨ ਕੀਤਿਆਂ,
ਬੋਤਲਾਂ ਦੁੱਧ ਦੀਆਂ ਤੂੰ ਕਦੋਂ ਤੇ ਕਿੰਝ ਪੀਤੀਆਂ |
ਕਿੰਝ ਤੂੰ ਸੁੱਤਾ ਤੇ ਕਿਵੇਂ ਫਿਰ ਉਠਿਆ,
ਕਿਵੇਂ ਖਲਾਰਾ ਪਾਇਆ ਤੇ ਕੀ ਗੇਟੋਂ ਪਾਰ ਸੁੱਟਿਆ |
ਨਾਈ-ਨਾਈ ਤੇ ਨਾ ਤੇ ਕਿਵੇਂ ਬਾਥਰੂਮ ਵੱਲ ਭੱਜਿਆ,
ਨਹਾਉਂਦਿਆ ਕਿੰਝ ਖੌਰੂ ਪਾਇਆ, ਕਿਵੇ ਨਾਹ-ਧੋ ਸੱਜਿਆ |
ਕਿਹੜੀ ਨਵੀ ਚੀਜ਼ ਤੇ ਅੱਜ ਤੂੰ ਫਿਰ ਚੜਿਆ,
ਕਿਵੇਂ ਸਿਰ ਭਨਾਇਆ, ਜਦੋਂ ਟੇਬਲ ਥੱਲੇ ਵੜਿਆ |
ਨਵੀ ਕੀ ਆਵਾਜ ਕੱਢੀ ਤੇ ਸ਼ਬਦ ਨਵਾ ਕਿਹੜਾ ਬੋਲਿਆ,
ਕਿਹੜਾ ਦਰਵਾਜਾ ਭੇੜਿਆ ਤੇ ਡਰਾਅਰ ਕਿਹੜਾ ਖੋਲਿਆ |
ਕਿੱਦਾਂ ਮੰਮੀ ਦੇ ਤੂੰ ਵੱਢੀਆਂ, ਚੂੰਡੀਆਂ ਤੇ ਦੰਦੀਆਂ ,
ਕਿਵੇਂ ਅੱਖਾਂ ਮਾਰੀਆਂ ਤੇ ਕਿੰਝ ਜੀਬਾਂ ਕੱਢੀਆਂ |
ਕਿੰਨੀ ਵਾਰੀ ਰੋਇਆ ਤੇ ਕਿੰਨੀ ਵਾਰੀ ਹੱਸਿਆ,
ਕਿੱਦੇ ਕੋਲੋਂ ਡਰਿਆ, ਤੇ ਫਿਰ ਕਿੱਦੇ ਪਿੱਛੇ ਨੱਸਿਆ |
ਕਿੰਝ ਤੂੰ ਦਹੀਂ ਖਾਦਾ ਤੇ ਕਿਵੇਂ ਸੀਰੀਅਲ ਖਿਲਾਰਿਆ,
ਕਿੱਦੇ ਨਾਲ ਲ਼ਾਡ ਕੀਤਾ ਤੇ ਕਿਨੂੰ ਤੂੰ ਮਾਰਿਆ |
ਕਿਵੇ ਮੈਂ ਬਿਆਨ ਕਰਾਂ, ਜੋ ਮਜ਼ਾ ਆਵੇ ਤੇਰੇ ਨਾਲ ਸੌਂਦਿਆਂ,
ਜਦੋਂ ਤੈਨੂੰ ਜੱਫੀ ਪਾਵਾਂ, ਮੈਂ ਨੇੜੇ ਜਿਹੇ ਹੁੰਦਿਆਂ |
ਅਰਹਾਨ!! ਤੇਰੀਆਂ ਖੁਸ਼ੀਆਂ ਦੀ ਕਰਦੇ ਹਾਂ ਅਸੀਂ ਮੁਰਾਦ
ਬਲਾਗ ਲਿਖਦਿਆਂ ਸੱਚੀਂ ਮੁੰਡਿਆ,ਆਉਂਦਾ ਬੜਾ ਸੁਆਦ |
………….ਕੁਲਦੀਪ (29 ਦਿਸੰਬਰ, 2009) [Needs little bit of polishing... may do it again after some time]
1 comments:
ਕੁਲਦੀਪ ਜੀ,
ਬਹੁਤ ਹੀ ਖੂਬ। ਬੇਟੇ ਅਰਹਾਨ ਨੂੰ ਮੈਂ ਤੁਹਾਡੀ ਕਵਿਤਾ ਰਾਹੀਂ ਖੇਲਦੇ-ਕੁਦਦੇ ਤੱਕ ਲਿਆ ਹੈ। ਬਹੁਤ ਹੀ ਸੋਹਣੇ ਸ਼ਬਦਾਂ ਨਾਲ਼ ਬੇਟੇ ਨਾਲ਼ ਮਿਲਿਆ ਹੈ ਤੁਸਾਂ ਨੇ। ਸ਼ਾਲਾ!ਅਰਹਾਨ ਤੁਹਾਡੇ ਕਿਆਸੇ ਸਾਰੇ ਅਰਮਾਨ ਪੂਰੇ ਕਰੇ।
ਹਰਦੀਪ
Post a Comment