ਜਦੋਂ ਕੋਈ ਗੁਰੂਦਵਾਰੇ ਨੂੰ ਆਪਣੀ ਜਾਗੀਰ ਤੇ
.................ਖੁਦ ਨੂੰ ਸਰਵੋਤਮ ਸਿੱਖ ਕਹਾਵੇ
ਆਪਣੀ ਸਿਰਫ਼ ਇਕ ਵਧਾ ਕੇ ਦਾੜੀ
.......................ਦੂਜਿਆਂ ਨੂੰ ਬੇਮੁਖ ਬੁਲਾਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
ਮਾਂ ਬੋਲੀ ਦੀ ਸੇਵਾ ਕਰਦੇਂ ਆਂ
.................... ਕਹਿ ਕੇ ਜਦੋਂ ਕੋਈ ਸਿੰਗਰ ਗਾਵੇ
ਸਟੇਜ ਤੋਂ ਬਿਨਾਂ ਨਾ ਪੰਜਾਬੀ ਬੋਲੇ
.....ਤੇ ਗਾਣੇ ਅੰਗ੍ਰੇਜ਼ੀ ਚ' Remix ਕਰਾਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
ਵਾਹਿਗੁਰੂ ਕਹਿ ਕੇ ਕੀਰਤਨੀਆ ਕੋਈ,
.....ਬਿਨਾ ਪੈਸੇ ਲਿਆ ਨੇ ਸ਼ਬਦ ਸੁਣਾਵੇ
ਮੋਹ ਮਾਇਆ ਛ਼ੱਡ ਦਿਉ ਕਹਿ ਕੇ...
.........ਆਪ ਗੋਲਕ ਤੇ ਨਜ਼ਰ ਟਿਕਾਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
ਆਪਣੇ ਖੇਤਰ ਦੇ ਐਂਮ-ਪੀ, ਐਂਮ-ਐਲ-ਏ,
...........ਲਾਲ ਬੱਤੀ ਵਾਲੀ ਕਾਰ ਚ' ਛੂਕਦਾ ਜਾਵੇ
5 ਸਾਲ ਨਾ ਕੋਈ ਕੰਮ ਕਰੇ, ਨਾ ਹੀ ਕਿਧਰੇ ਨਜ਼ਰੀ ਆਵੇ,
......ਅਗਲੀਆਂ ਵੋਟਾਂ ਚ' ਫਿਰ ਜਦੋਂ ਵੋਟਾਂ ਮੰਗਣ ਆਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
ਮਟਕਾ ਚੌਂਕ ਚ' ਉਹ ਖਾ ਕੇ ਡੰਡੇ
.............ਪਹਿਲਾਂ ਕੋਈ ਮਾਸਟਰ ਨੌਕਰੀ ਪਾਏ
ਸਕੂਲੇ ਪੜਾਉਣ ਵੇਲੇ ਜਿਨੂੰ ਸੱਪ ਸੁੰਘ ਜਾਵੇ
..........ਤੇ ਘਰੇ ਜਾ tuition ਸੈਂਟਰ ਚਲਾਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
ਸਰਕਾਰੀ ਅਫਸਰਾਂ ਤੋਂ ਰੱਬ ਬਚਾਏ
.........ਦਫਤਰ ਪਹੁੰਚੇ ਲੇਟ ਤੇ ਜਲਦੀ ਭੱਜ ਜਾਏ
ਕੰਮ ਕਰਣ ਲਈ ਰਿਸ਼ਵਤ ਭਾਲੇ
...........ਗਰੀਬ ਕਿਸੇ ਤੋਂ ਤਰਲੇ ਕੱਢਵਾਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
ਨਿਕੰਮਾ ਲਿਖਾਰੀ ਜਦੋਂ ਕੋਈ ਮੇਰੇ ਵਰਗਾ,
......ਦੋ ਲਾਇਨਾਂ ਲਿਖ ਕੇ ਸ਼ਾਇਰ ਅਖਵਾਏ
ਨਾ ਖੁਦ ਬਹੁਤਾ ਸੋਚੇ, ਨਾ ਕਿਸੇ ਨੂੰ ਸੋਚਣ ਲਾਏ
................. ਐਂਵੇ ਤੁੱਕ ਨਾਲ ਤੁੱਕ ਮਿਲਾਵੇ
ਬੱਸ ! ਬੰਦਾ ਲਾਹ ਲਏ ਛ਼ਿੱਤਰ...
........ਲਾਹ ਕੇ ਇਹਨਾ ਦੇ ਖਿੱਚ-ਖਿੱਚ ਲਾਏ
.............Kuldeep 1st May, 2010
Subscribe to:
Post Comments (Atom)
0 comments:
Post a Comment